Бейеү булған, бар һәм буласаҡ

Благовещен ҡалаһындағы “Созвездие” бейеү студияһы тәрбиәләнеүселәре “Планета талантов” Бөтә Донъя конкурс – фестивалендә ҡатнашып, беренсе дәрәжә диплом һәм Гран – при алыуы менән маҡтаулы.
Төрлө дисциплиналарҙа үҙ һәләттәрен күрһәткән балалар студияға ҙур теләк менән йөрөй, заманса бейеү серҙәренә төшөнә, ата-әсәләр ҙә ул-ҡыҙҙарының һәр башланғысын хуплап, уларҙы еңеүҙәргә дәртләндереп кенә тора. Сирина Хөснуллина етәкселегендәге был ансамбль үҙенең яңы бейеүҙәре менән әленән – әле үрҙәр яулай һәм тамашасыны һөйөндөрә.
- Бейеү булған, бар һәм буласаҡ, - тип ышана студия етәксеһе Сирина Хөснуллина.