Алты мәктәптә - "Үҫеш нөктәһе"

Өфө районының алты белем биреү учреждениелары -  Зубов, Николаевка, Урыҫ-Юрмаш, Чернолес, Шамонин, Октябрьский ауыл мәктәптәрендә “Үҫеш нөктәһе” үҙәктәренең эшләп китеүе уҡыусылар өсөн ҙур мөмкинлектәр аса. Бында улар төрлө тәжрибәләр уҙғарып,  фәнни эш менән дә шөғөлләнә аласаҡ. Дәрестәр, кластан тыш саралар бындай бүлмәләрҙә заманса, мауыҡтырғыс үтәсәгенә шик юҡ.

Иң мөһиме, балаларҙың ҡыҙыҡһыныуы ла һәм күп нәмәгә өйрәнергә теләге лә көслө. Уҡытыусылар әйтеүенсә,бындай проект сифатлы белем алыуға ҙур этәргес булып тора.