Таҙа булһын еребеҙ!

Сентябрь айында “Сүп-сар артынан һунарсылар” ирекмән проекты сиктәрендә Благовещен ҡалаһынан 15 ғаилә үҙ ҡулдары менән йыйған сүп-сарҙы төрләндереп, сорттарға бүлде һәм уны эшкәртергә әҙерләне. 

“Экология” проекты сиктәрендә был сараны ойошторған Анна Торопова әйтеүенсә, бер ай эсендә 60 кеше 400 кг сүп-сар йыйып, уны ойоштороусылар тарафынан бирелгән ҡаптарға йыуып тултырған. Марафонда ҡатнашҡандар йыйған ҡағыҙ, быяла, тимер-томор махсус ҡабул итеү пункттарына тапшырылған. Уларҙы тапшырыуҙан төшкән 2400 һум аҡса шәфҡәтлелек эштәренә бирелгән.

Башҡалар араһында иң күбе -140 кг сүп - сар йыйып, еңеп сыҡҡан Гәрәевтар ғаиләһе был һөҙөмтә менән тынысланып ҡалмай, артабан да был мөһим эште дауам итәсәген дә белдерҙе.