Сәләмәтлеген ҡайғыртҡандар – майҙансыҡҡа!

Был шатлыҡлы ваҡиғаны уртаҡлашырға йыйылған мәртәбәле ҡунаҡтар халыҡтың физик сәләмәтлеген яҡшыртыуға, милләт һаулығына туранан-тура йоғонто яһаған сараға үҙ теләктәре менән ҡушылыуы, нормативтарҙы үтәүселәрҙең йылдан-йыл арта барыуын да билдәләне.   

         Хәҙер теләге булған һәр кеше, оло йәштәме ул, кесеме саф һауала рәхәтләнеп спорт менән шөғөлләнә ала. ГТО-ның нормативтарын тулыһынса үтәп, алтын “Хеҙмәткә һәм оборонаға әҙер” значоктарына лайыҡ Артур Әхиәров, Дмитрий Бабкин, Никита Герасимов, Алһыу Ибракова, Арине Нурғәлиева, Алмаз Харисов майҙансыҡты асыу хоҡуғына эйә булды. 

-Барығыҙҙы ла физкультура менән шөғөлләнергә, ГТО нормаларын тапшырырға саҡырабыҙ, сөнки был шәхескә төрлө яҡлап үҫергә, илһөйәрлек тойғоһон тәрбиәләргә, сәләмәт тормош рәүеше алып барырға булышлыҡ итә, - тине дәррәү яңы майҙансыҡҡа юлланған Өфө районы спортсылары.   

Районда асылған ГТО нормаларын тапшырыу өсөн йыһазландырылған спорт майҙансығы киләсәктә ошонда йәшәгән кешеләргә спортҡа ылығыу һәм сәләмәтлекте нығытыу өсөн киңерәк мөмкинлектәр асыр.