Доставалов исемендәге батальон яугиры Суворов миҙалы менән бүләкләнде

Башҡортостан Республикаһынан махсус хәрби операцияла ҡатнашыусы Игорь Ҡорбановты Суворов миҙалы менән бүләкләнеләр. Был хаҡта «Башҡорт батальоны»т елеграм-каналында яҙып сыҡтылар.

Игорь Ҡорбанов идаралыҡ бүлексәһе командиры урынбаҫары, Доставалов исемендәге башҡорт батальонының 6-сы ротаһы тоҫҡаусы-операторы.

Яҡташыбыҙ хәрби бурысын үтәгәндә күрһәткән ҡыйыулығы өсөн дәүләт наградаһына лайыҡ булды. Ил башлығы указында шулай тип яҙылған.

Игорь Ҡорбанов Иглин районының Алатор ауылында тыуып үҫкән һәм уҡыған.

Батыр яҡташыбыҙҙың иҫән-һау әйләнеп ҡайтыуын теләйбеҙ.