Өфө районының Шамонин ауыл мәктәбе уҡытыусылары Украиналағы махсус хәрби операцияла ҡатнашҡан яҡташ яугирҙәр өсөн татлы күстәнәс - сәк-сәк әҙерләп ебәрҙе. Рус Юрмашы ауыл биләмәһе ирекмәндәре 100 контейнер тәмлекәсте алғы һыҙатҡа юлланған гуманитар конвойға тапшырҙы.
-Халҡыбыҙҙың милли ризығы булған сәк-сәкте ҡулына алып, тәмләйәсәк Башҡортостан егеттәре Шамонин апай-ҡыҙҙарының хәстәрлекле ҡулдары йылыһын тойор һәм тыуған яҡтарға имен-һау әйләнеп ҡайтығыҙ тигән йөрәк теләктәрен дә ҡабул итер. Оло һөйөү менән Башҡортостандан ебәрелгән татлы ла, затлы ла күстәнәс беҙҙең яҡташтарҙы ҡыуандырып, уларҙың кәйефен күтәрһен һәм күңелдәрен йылытһын! – ти ауылдың береһенән береһе гүзәлерәк һәм сибәрерәк ҡатын-ҡыҙҙары.