Район спортсылары бүләкләнде

Рәсәй Федерацияһының спорт министры Олег Матыцин Башҡортостанға килгән рәсми эш сәфәрендә республиканың физик культура эшмәкәрҙәре, билдәле спортсылары һәм йәмәғәтселек менән осрашты.

Был осрашыу сиктәрендә лайыҡлыларҙы бүләкләү ҙә булды. Өфө районының спорт мәктәбе тренеры Венер Фәүет улы Мәхмүтов “Физик культура һәм спорт отличнигы” знагы менән бүләкләнде. Лапта буйынса тренер Александр Николаевич Михайловҡа Рәсәй спорт министрлығының  рәхмәт хаты ла тапшырылды. Ғүмерен спортҡа бағышлап, балаларға был йәһәттән ысын тәрбиә биргән тренерҙарҙың тырыш хеҙмәтен баһалау уларҙың кәйефен күтәрҙе, алға әйҙәрҙәй илһам да бирҙе.