Яугирҙәр иҫтәлегенә – һәйкәл

Өфө районының Миловка ауылында үткән Хәтер һәм Ҡайғы көнөндә хәрби хәрәкәттәр ветерандарына, локаль һуғыштарҙа, ҡораллы конфликттарҙа һәм хәрби-һауа көстәрендә ҡатнашыусыларға һәйкәл асылды. Уның авторы - Миловка ауылы кешеһе Герман Николаевич Пеньков.

«Хәрби туғанлыҡ» бөтә Рәсәй ветерандар йәмәғәт ойошмаһының Башҡортостан Республикаһы бүлексәһе етәксеһе Альберт Шаһиморатов билдәләүенсә, Ватанды һаҡлаусылар тураһында хәтерҙе һаҡлау мөһим. Ул был ваҡиғаға ҡыҫылышы булғандарҙың барыһына ла рәхмәт белдерҙе.

Митингыла БР Хәрби комиссариаты Өфө ҡалаһының Дим районы һәм Өфө районы буйынса бүлеге начальнигы Илдар Яппаров һәләк булған Руслан Остермандың тол ҡатынына «Хәрби батырлыҡтары өсөн» миҙалын тапшырҙы.