Һөҙөмтәһе яҡшы булыр

Благовещен ҡалаһының 5-се дөйөм белем биреү мәктәбендә Өфө дәүләт нефть техник университетының кабинеты эшләй башланы.
Республикалағы юғары белем биреү учреждениелары менән хеҙмәттәшлек итеү тураһындағы район программаһына ярашлы, университетҡа бирелгән кабинетта ремонт эштәре үткәрелгән. Уны тантаналы асыуҙа ҡатнашҡан университет ректоры Олег Баулин был уртаҡ эштәрҙең дөйөм һөҙөмтәгә килтерәсәген дә билдәләне. Әле мәктәптә уҡып йөрөгән уҡыусылар киләсәктә был бай тарихлы университеттың студенттары ла булып китер.