Ҡиммәтле һәм кәрәкле бүләк

"Китап - белем шишмәһе" тигән мәҡәлде күҙ уңында тотҡан китап һөйөүселәр Өфө районының Михайловка ауылындағы китапхананы ваҡыты - ваҡыты менән төрлө жанрҙарҙағы китаптар менән тулыландырып тора.
Бәләкәйҙән китап менән дуҫ булған Лидия Павловна Плотникова һәм Маргарита Николаевна Костарева үҙенең шәхси китапханаһынан тарихи, классик, детектив, фантастика йүнәлешендәге китаптарын "Михайловка халҡы уҡыһын" тип, китапханаға бүләк итте. Бындай ҡиммәтле һәм кәрәкле бүләккә китапханасылар ҙа бик шатланды.