Йәйғор
-29 °С
Болотло
75 лет Победы
Бөтә яңылыҡтар
Милли проекттар
5 Ноябрь 2019, 17:00

Саҡмағоштағы “Базы” хужалығымилли проект нигеҙендә “Һаҡсыл производство” программаһын ғәмәлгә индерә

Саҡмағоштағы “Базы” хужалығы “Хеҙмәт етештереүсәнлеге һәм мәшғүллеккә булышлыҡ итеү” милли проекты нигеҙендә “Һаҡсыл производство” программаһын ғәмәлгә индерә

Башҡортостан Хөкүмәте менән хужалыҡтың ошо проектта ҡатнашыуы тураһындағы килешеүгә ҡул ҡуйылған. Башҡортостандың Иҡтисади үҫеш министрлығы мәғлүмәттәре буйынса, әле төҙөлөш, сәнәғәт, ауыл хужалығы предприятиелары менән ошондай 45 килешеү төҙөлгән.

«Базы» хужалығы һөт, көнбағыш, шәкәр сөгөлдөрө, иген етештереү һәм һатыу менән шөғөлләнә. Етәксеһе Вадим Соколов билдәләүенсә, “Һаҡсыл производство” программаһы предприятиеға етештереүсәнлекте арттырыуға булышлыҡ итәсәк.
Беҙ һәр ваҡыт заман менән бергә атларға тырышабыҙ: матди-техник базаны яңыртабыҙ, компьютерлаштырылған системаларҙы файҙаланабыҙ, заманса техника һатып алабыҙ, – тине ул. – Яңы технологиялар эшләһен өсөн юғары квалификациялы хеҙмәткәрҙәр кәрәк, әлбиттә. Милли проект ошо һәм башҡа мәсьәләләрҙе хәл итеү мөмкинлеген бирәсәк, сөнки эшкә һәләтле халыҡтың ауылдан ҡалаға китеүе хеҙмәт етештереүсәнлегенең түбәнәйеүенә сәбәпсе була.
Мәғлүм булыуынса, милли проектта ҡатнашыусылар эксперттарҙың бушлай ярҙамына иҫәп тота ала. “Һаҡсыл производство” программаһын ғәмәлгә индергәндән һуң улар Сәнәғәтте үҫтереү фондынан 50-300 миллион һум күләмендә льготалы займ алыу мөмкинлегенә эйә. Шулай уҡ “Етештереү лидерҙары” программаһында ҡатнаша, “Эксперт акселераторы” программаһы буйынса ярҙамға һәм башҡа ташламаларға өмөт итә ала.
Читайте нас в