Милли проектҡа ярашлы, ҡала мөхите индексы иҫәпләнгән

Ил буйынса уңайлы ҡалалар исемлеген төҙөгәндәр. Иҫәпләп сығарылған индекс буйынса бөтә ҡалаларҙың 23,5 проценты ғына, йәғни 262-һе йәшәү өсөн уңайлы тип табылған. Ҡалғандарының махсус индексы бигүк шәптән түгел.

Беҙҙең республиканың 21 ҡалаһынан, бары тик алтауһы яҡшы исемлектә. Улар – Стәрлетамаҡ, Сибай, Туймазы, Бәләбәй, Дүртөйлө һәм Ағиҙел. Баш ҡалаға иһә “йәшел зона”ға инергә бер генә мәрәй етмәгән. Башҡортостан буйынса уртаса индекс 173.
Әйткәндәй, 180-дән артыҡ балл йыйған ҡалалар комфортлы һанала. Иң юғары кимәлдә 276 индексы менән - Мәскәү.
Уңайлылыҡ 36 категория буйынса билдәләнгән.
2024 йылға беҙҙә ҡалалар уңайлылығы индексын 30 % күтәрергә ниәт бар. Рәсәй Президенты Владимир Путин тарафынан ҡул ҡуйылған указда шундай маҡсат ҡуйылған.

Читайте нас: