Китап уҡыусылар артасаҡ

Конкурстан һайлап алынған китапханалар киләһе йылда моделлегә әйләнәсәк. Ғаризалар 23 марттан 9 апрелгәсә ҡабул ителә.

Моделле китапханалар "Мәҙәниәт" милли проектын ғәмәлгә ашырыу буйынса барлыҡҡа килә. Төп маҡсат - хеҙмәт күрһәтеү кимәлен яҡшыртыу, китапханалар фондын арттырыу, интернетлаштырыу, заманса китапхана мөхите булдырыу.

Быйыл үрҙә телгә алған конкурстың 2019 йыл һөҙөмтәләре буйынса беҙҙә өс моделле китапхана буласаҡ - Дүртөйлө, Благовар, Туймазы райондарында. Улар өсөн республика федераль бюджеттан 20 миллион һум аҡса ала.

Автор: "Йәшлек"