Дөйөм шатлыҡ

Йәш үҙенсәлектәрен иҫәпкә алып, яңы мебель урынлаштырылған, төрлө уйынсыҡтар, ҡурсаҡтар һатып алынған. Санузел да бәләкәстәргә ҡулайлаштырылып эшләнгән.
​Сарала райондың хакимиәт башлығы Азамат Носратуллин, мәғариф идаралығы етәксеһе Гөлнара Мырҙаҡаева, ауыл биләмәһе башлығы Зөлфиә Әхмәҙиева, мәктәп директоры Гөлфиә Саҡаева һәм башҡа ҡунаҡтар, тәрбиәселәр, ата - әсәләр ҡатнашты.
​Балалар баҡсаһы тәрбиәләнеүселәре ҡунаҡтарға үҙҙәренең йырҙарын, бейеүҙәрен башҡарҙы, шиғырҙарын һөйләне. Рәхмәт һүҙҙәре менән ата - әсәләр сығыш яһаны.
​Әлегә ясле төркөмөнә йәш ярымдан алып өс йәшкә тиклемге 10 бала йөрөйәсәк, хәҙер улар алдында балалар баҡсаһы тормошона яраҡлашыу, өйрәнеп китеү тора.