Көҙәй ауыл мәҙәниәт йорто яңыртылды

Көҙәй ауыл мәҙәниәт йортонда ремонт эштәре тамамланыу алдында. Эш барышында бина йылытылды, электрика, һыу менән тәъмин итеү һәм канализация системалары яңыртылды, тәҙрәләр алмаштырылды. Шул уҡ ваҡытта түбә монтажланды, буяу-ағартыу эштәре башҡарылды. Тамаша залы үҙгәртеп ҡоролдо.
Бында балалар өсөн - уйын бүлмәһе, йәштәр өсөн тренажерҙар ҡуйылды.
Төҙөүселәр 1959 йылгы мәҙәниәт йортоноң индивидуаль архитектура үҙенсәлектәрен һаҡлап ҡалған.
Иҫегеҙгә төшөрәбеҙ, ремонт эштәре «Мәҙәниәт» милли проектының «Мәҙәни мөхит» төбәк проекты сиктәрендә башҡарылды.

Ә. Вәлиуллин фотолары.