Спорт яҡлы йәштәр өсөн

Благовещен районының Ильино-Поляна ауылында барса халыҡты шатландырырҙай ваҡиға булды. Ауыл үҙәгенә халыҡ өсөн күп функциялы яңы спорт майҙансығы ҡуйылды.
Был эштәр “Берҙәм Рәсәй” партияһы һәм Башҡортостан Республикаһының үҫмер балалар спорт мәктәбе федерацияһы етәксеһе Виктор Александрович Макин ярҙамы менән тормошҡа ашырылды. Сәләмәт тормош яҡлыларға воркаут өсөн заманса элементтарҙың бик яҡшы йыйылмаһы ГТО нормаларын тапшырыуға әҙерләнергә ярҙам итәсәк.Ауыл йәштәре хәҙер спорт күнекмәләрен үтәй, күнекмәләр яһай һәм һаулығы өсөн буш ваҡытын файҙалы итеп үткәрә ала. Бөтә тораҡ пункттарҙағы кеүек, әле яңы эш башлаған тырыш, тәүәккәл ауыл хакимиәте башлығы Сергей Рыхтеровҡа ауылдың ысын ир-егеттәре ярҙамға килгән.
Район етәкселеге тырышлығы менән 2023 йылда ауыл биләмәһен төҙөкләндереү буйынса кәрәкле һәм әһәмиәтле эштәргә финанс средстволары бүленгән. Уларҙың беренсе сираттары: Ильино - Поляна ауылындағы Юбилей урамына асфальт түшәлеп, энергияны һаҡлаусы технологияларҙы иҫәпкә алып, Совет, Юбилей, Быуа, Тыныслыҡ урамдары яҡтыртыласаҡ.