Йәйғор
+23 °С
Болотло
Бөтә яңылыҡтар
Спорт
18 Ғинуар , 09:20

Рәсәй беренселегенә әҙерлек

Свердловск өлкәһенең Богданович ҡалаһында ҡышҡы триатлон буйынса Урал федераль округы беренселеге уңышлы үтте. Унда Өфө районы спортсылары лайыҡлы сығыш яһаны.

Рәсәй беренселегенә әҙерлек
Рәсәй беренселегенә әҙерлек

Ярыштарҙа район спорт мәктәбенең күренекле спортсылары ҡатнашты. Еңеүселәр пьедесталында Матвей Тихонов 13-14 йәшлек үҫмерҙәрҙең йәш категорияһында беренселектә көмөш миҙалға лайыҡ булып, икенсе урын яуланы. Инсаф Сәрүәров етенсе урын алыуға өлгәште, ә Лиза Багаури 13-14 йәшлек ҡыҙҙар араһында 5-се урынға сығып, яҡшы һөҙөмтә күрһәтте.
  Өс күренекле спортсы ла триатлон буйынса Башҡортостан Республикаһының йыйылма командаһы ағзалары булып тора.Улар әлеге көндә февраль аҙағында Пермь ҡалаһында үтәсәк Рәсәй беренселегенә етди әҙерләнә. Был спортсыларҙың уңышы район спорт мәктәбенең төрлө кимәлдәге ярыштарҙа төбәкте лайыҡлы күрһәтергә йүнәлтелгән эшенең һөҙөмтәһе булып тора. Былар барыһы ла мәктәп тренерҙарының артабан да һәләтле һәм алдынғы ҡарашлы спортсыларҙы формалаштырыуҙы дауам итеүен асыҡ дәлилләй.

Автор:Лира Батыргәрәева.
Читайте нас: