Чесноковка ҡыҙҙары алдынғы

- Уйындар Башҡортостан Республикаһы рус лаптаһы Федерацияһы вице-президенты, бөтә Рәсәйҙең категориялы судьяһы, еңел атлетика һәм рус лаптаһы буйынса Рәсәйҙең спорт мастерлығына кандидат, Башҡорт дәүләт аграр университетының студенттар йыйылма командаларының алдынғы тренерҙарының береһе булған Роберт Ринат улы Йәғәфәров иҫтәлегенә арналды. Ил өсөн ауыр ваҡытта ул ситтә ҡалмай, үҙенең хәрби бурысын үтәү өсөн махсус хәрби операция зонаһына юллана. 2024 йылдың 29 мартында хәрби бурысын үтәгән яҡташыбыҙ батырҙарса һәләк була. Кеше үҙе тураһында иҫтәлек йәшәгәнсе йәшәй. Һәм беҙ герой яҡташтарыбыҙҙың исемдәрен иҫтә тотоу өсөн барыһын да эшләйәсәкбеҙ, - тип һөйләне район хакимиәте башлығы Николай Ельников.

Ярыштарҙа Өфө районының спорт мәктәбе вәкилдәре лайыҡлы сығыш яһаны. Ирҙәр командаһы турнир таблицаһында бишенсе урынды биләһә, ә Чесноковка ауылы спортсыларының ҡатын-ҡыҙҙар командаһы 16-сы тапҡыр еңеү яуланы. Уйындар барышында яҡшы кәйефтә булған ҡыҙҙар, төп ваҡытта еңеү яулай һәм конкуренттарының уңышына бер ниндәй ҙә мөмкинселек ҡалдырмай. Шуға ҡарамаҫтан, уларға һәр алышты юғары тиҙлектә үтергә, тулыһынса көстәрен бергә тупларға тура килә.

Тренер Александр Михайлов етәкселегендәге лаптасы ҡыҙҙар командаһын  ҙур ҡаҙаныштары менән ҡотлайбыҙ. Рус лаптаһы буйынса ярыштар ныҡышмал һәм көсөргәнешле үтте. Ял көндәрендә Булгаков стадионында туғыҙ ҡатын-ҡыҙҙар йыйылма командаһы финалға сығыу өсөн ярышты. Республиканың ауыл райондары - Өфө, Краснокама, Хәйбулла һәм Ҡырмыҫҡалы спортсылары иң көслөләр тип танылды.