Ғаиләләр бәйгеһе

Райондың бөтә мәктәптәрендә һәм балалар баҡсаларында әүҙем ғаиләләр етеҙлектә, мәргәнлектә, таҫыллыҡта, тиҙлектә көс һынашты. “Күңелле старттар”, төрлө спорт бәйгеләре мауыҡтырғыс сараға әйләнде. “Сәләмәт быуын – көслө регион” проекты сиктәрендә ойошторолған был сара республикабыҙ халҡының һаулығын хәстәрләүгә йүнәлтелгән.
​Яңы Субай мәктәбенең спорт залында үткән ғаиләләр араһындағы ярышта Ҡотдосовтар беренсе, Тазетдиновтар икенсе, Мәғҙәнуровтар өсөнсө урын яуланы. Ә Иҫке Күл ауылында Хәйертдиновтар беренселекте ҡулдарынан ысҡындырманы. Икенсе, өсөнсө урындарҙы Нуриевтар һәм Рәхмәтуллиндар ғаиләләре бүлеште.