Иглин йәштәре - республикала яҡшылар иҫәбендә

«Алпамыша» үҫмерҙәр-спорт клубы бәлиғ булмағандар һәм йәштәр араһында асоциаль күренештәрҙе иҫкәртеү буйынса йәштәр сәйәсәте учреждениелары араһында үткәрелгән республика конкурсында лайыҡлы сығыш яһаны. Иглиндар «Йәштәрҙә традицион ғаилә ҡиммәттәрен формалаштырыу» номинацияһында икенсе урын яуланы.
«Алпамыша» директоры Гөлдәр Тоҡомбәтова “Башҡортостан Республикаһы йәштәр сәйәсәте өлкәһендә иң яҡшы хеҙмәткәр” Бөтә Рәсәй конкурсының төбәк этабында өсөнсө дәрәжә диплом менән бүләкләнде.