Баҡсаларҙа үҫһен алмағас...

Шишмә еләк-емеш питомнигы ла был йәһәттән үҙ эшен туҡтатмай, төрлө ысулдар менән халыҡҡа үҙ хеҙмәтен еткерергә ашыға

Бөгөнгө еңел булмаған көндәрҙә, аҡыллы етәкселәр предприятие һәм унда эшләгән хеҙмәткәрҙәрҙе, эшселәрҙе һаҡлап ҡалыу һәм нисек тә булһа эш менән тәьмин итеү тураһында хәстәрлек күрә. Шишмә еләк-емеш питомнигы ла был йәһәттән үҙ эшен туҡтатмай, төрлө ысулдар менән халыҡҡа үҙ хеҙмәтен еткерергә ашыға.

– Телефон аша заказдар ҡабул итеп, алма ағасы, сейә, ҡарағат, еләк, ҡурай еләге үҫентеләрен һораусыларҙың өйҙәренә илтеп бирәбеҙ, – ти Асель Баҙарбаева. –Курьерҙар, әлбиттә, тейешенсә һаҡланыу сараларын үтәй, битлек, бирсәткә –мотлаҡ.

– Заказдар күп, райондың төрлө ауылдарына йөрөйбеҙ, ҡасабала ла һораусылар етерлек. Халыҡ бик ҡәнәғәт. Үҫентеләр районлаштырылған, – ти курьер Николай, һәр үҫентенең үҙенсәлектәрен һөйләп, нисегерәк ултыртыу яҡшы буласағын да әйтергә онотомай ул. Предприятие бөгөнгө көндә районлаштырылған 20-нән артыҡ төр алмағас тәҡдим итә.

Айгөл Шаймөхәмәтова, Шишмә районы

Читайте нас: