Бөтә ғаилә менән киләсәкте һайлайбыҙ!

Иглин ауылынан Кашаповтар Рәсәй Федерацияһы президентын һайлауға бөтә ғаиләһе менән килергә ҡарар иткән.
- Беҙ ата – әсәләр, бәләкәйҙән балаларыбыҙ өсөн ысын өлгө булып торабыҙ. Шуға ла тыуған илебеҙгә, мәҙәниәтебеҙгә һәм йолаларыбыҙға һөйөү тәрбиәләү - беҙҙең төп бурыс,- ти Ирина Кашапова. - Балалар беҙҙең киләсәгебеҙ. Беҙ уларҙың йәмәғәт тормошонда, ирекмәнлек эшмәкәрлегендә һәм гражданлыҡ бурысын нығытыуға булышлыҡ иткән башҡа эшмәкәрлектәрҙә ҡатнашыуын тик дәртләндереп кенә торорға тейешбеҙ.