Яңы мәктәп йәмләнә

Өфө районының Яңы Булгаков ауылында “Торлаҡ төҙөлөшө үҫешен стимуллаштырыу” федераль программаһына ярашлы “Торлаҡ һәм ҡала мөхите”милли проекты сиктәрендә төҙөлгән өс ҡатлы мәктәптә эске биҙәкләү эштәр дауам итә.

Уҡыу кластарынан тыш бында заманса ике спорт, гимнастика һәм ултырыштар  залдары,медицина блогы,йәмле ашхана, китапхана, мөмкинлектәре яғынан сикле булған уҡыусылар өсөн лифттар ҙа ҡаралған. Эске биҙәкләү эштәренән һуң белем усағы заманса ҡоролмалар, компьютер техникаһы һәм спорт  кәрәк – яраҡтары менән тәьмин ителәсәк.