«Тәүге күп балалылар» конкурсында Өфө районында йәшәгән ғаилә еңеүсе булды.

Башҡортостанда «Тәүге күп балалылар» ғаилә конкурсы тамамланды. Конкурста бөтә Башҡортостандан күп балалы ғаиләләр ҡатнашты, улар “Беҙ — үҙенсәлекле ғаилә!”, “Беҙҙең милли традициялар”, “Беҙҙең ғаилә мауығыуҙары”, “Ғаилә ҡиммәттәре” һәм “Ҙур ғаилә тураһында бәләкәй хикәйә” тигән номинацияларҙа көс һынашты.
Еңеүселәрҙе бүләкләү тантанаһында Өфө районынан Карповтар ғаиләһе «Беҙҙең милли традициялар» номинацияһында беренсе урын яуланы. Еңеүселәр партнерҙарҙан ғаилә фотосессияһы һәм сувенир продукцияһы алды, шулай уҡ улар ғаилә фотокүргәҙмәһенең абруйлы ҡунаҡтары булды.