4-се мәктәп кадеттары ант бирҙе

Тантанала ҡатнашыусыларҙы, кадеттарҙы Благовещен районы хакимиәте башлығы Анна Карабанова сәләмләне. "Ҡәҙерле кадеттар, беҙ, өлкәндәр, һеҙҙең менән ғорурланабыҙ. Һеҙгә юғары мөмкинлектәргә ынтылыуығыҙҙы һәм иң мөһиме – барыбыҙ өсөн дә өлгө булыуығыҙҙы теләйем. Һеҙгә сыҙамлыҡ, уңыштар», - тине Анна Николаевна.
Бишенсе класс уҡыусыларына махсус хәрби операцияның элекке ҡатнашыусыһы Андрей Татаринов та мөрәжәғәт итте. Балаларға ул яҡшы уҡыуҙарын, файҙалы күнекмәләрҙе үҙләштереүҙә рух ныҡлығын һәм һәр яҡлап та көслө шәхес булыуҙарын теләне.