Сәскәләр гөрләп үҫә

2024 йылда Гөлназ дәүләт ярҙамынан файҙалана. Ул Иглин районы хакимиәтенә социаль контракт буйынса субсидия һорап мөрәжәғәт итә һәм үҙенең идеяһын яҡлап сыға. Субсидия средстволарына теплица төҙөлә. Һуңыраҡ льготалы кредит аҡсаһына үҫемлектәр етештереүҙе киңәйтә.

Хәҙер эшҡыуарҙың хужалығында меңәрләгән үҫемлек бар: бегония, уоллер, яңы гвинея бальзаминдары, кампанулалар, корея хризантемалары һәм мультифлора, традесканциялар. Шулай уҡ баҡса сәскәләре – роза, лилиә, флокс, седумалар күп. Гөлназ сәскәләрҙе үҙе етештергән орлоҡтарҙан үҫтерә, уның участкаһында йәшелсә һәм еләк тә яҡшы уңыш бирә.

Хоббинан килем сығанағына әйләнгән эшмәкәрлектә эшҡыуарға тормош иптәше лә ярҙам итә.

Эшҡыуар ҡатын үҫемлектәрҙе ҡалаға заказ биреү пунктына тапшыра, шулай уҡ йылы апрель-октябрь айҙарында һораусыларға почта аша ла ебәрә.

Эшҡыуарҙың пландары – эшмәкәрлекте киңәйтеү. Уның үҫентеләренә һорау ҙур.