Иглин районында медицина бизнесына дәүләт ярҙамы бирелде

Лор-табип 2022 йылда франшиза буйынса «МЕДИС» медицина клиникаһы аса. Бында өлкәндәр һәм балаларҙы лаборатор диагностикалау өсөн биоматериалдар алына, шулай уҡ акушер-гинеколог хеҙмәттәре күрһәтелә. Иглин районының бизнес-шерифы менән кәңәшләшкәндән һуң, 2025 йылда эшҡыуар ҡатын күрһәтелгән хеҙмәт йүнәлештәрен киңәйтергә ҡарар итә – дәүләт ярҙамынан файҙаланып, оториноларинголог бүлмәһен йыһазландырырға була. Башҡортостандың төбәк лизинг компанияһы ярҙамында медицина клиникаһы «оториноларингология» профиле буйынса заманса ҡоролма һатып ала. Күрһәтелгән ярҙам суммаһы 700 мең һум тәшкил итте. 

– Медицина ҡорамалдарын лизингҡа һатып алыу – банктан кредит алыуға ҡарағанда күпкә отошлораҡ, – ти Айгөл Ғәлиәхмәтова. – Был сара халыҡты хеҙмәтләндереү кимәлен күтәрергә, медицина учреждениеһын техник яҡтан йыһазландырырға мөмкинлек бирҙе. Бындай ярҙам бик мөһим.

Сиринә Фәррәхова.