Башҡортостанда яңы поликлиникаларҙы асыу ваҡыты билдәле булды

Яңы йыл башланыр алдынан Башҡортостан райондарында милли проект сиктәрендә төҙөлгән алты яңы поликлиника асыла. Был хаҡта хөкүмәттең оператив кәңәшмәһендә вице-премьер Рөстәм Ғәзизов белдерҙе.

«Был аҙнала Благовещенда һәм Асҡында поликлиникалар асылыуы ихтимал. Бер аҙна ярымдан – Учалыла һәм Яңауылда. Декабрь аҙағында – Баҡалыла һәм Асҡарҙа. Иң һуңғыларҙан булып Әбйәлил районындағы учреждение асыла, унда эштәр байтаҡ», — тине вице-премьер.

Билдәле булыуынса, Асҡын поликлиникаһын асыу тантанаһында Рәсәй хөкүмәте вице-премьеры Татьяна Голикова һәм федераль һаулыҡ һаҡлау министрлығы башлығы Михаил Мурашко ҡатнаша.