Салауат ҡалаһында 2001 йылғы ҡыҙҙар араһында ауыр атлетика буйынса Башҡортостан Республикаһы Беренселеге үтте. Ярыштарҙа республика ҡалаларынан һәм райондарынан 120 спортсы көс һынашты. Иглин районы данын балалар-үҫмерҙәр спорт мәктәбе тәрбиәләнеүселәре яҡланы.
Ҡыҙҙар яҡшы һөҙөмтәләр күрһәтте. Ксения Мисюля, Айгүзәл Рамазанова, Аделина Йәнбәкова пъедесталдың юғары баҫҡысына күтәрелделәр, ә Гүзәл Хәмзина һәм Каролина Вихарева икенсе урын алдылар. Дөйөм команда һөҙөмтәләре буйынса иглинлеләр беренсе урынға лайыҡ булды.
Йәш спортсылар юғары категориялы тренер-уҡытыусы, ауыр атлетика буйынса СССР-ҙың спорт мастеры Александр Пономаревта шөғөлләнә.