Черенский йырыны тәртипкә килтерелде

Ҡаланың үҫмер балалар спорт мәктәбе коллективы үҙенең директоры Николай Лосев етәкселегендә ҡаланың Черенский йырынын тәртипкә килтерҙе.

Район хакимиәте яғынан яҡлау тапҡан проектҡа ярашлы, бында саңғы - йүгереү трассаһын төҙөү планлаштырыла. Киләсәктә бында спорт менән дуҫ благовещендарға төҙөләсәк трасса урынын таҙартыр өсөн ҡала халҡы, предприятие,ойошма хеҙмәткәрҙәре лә күп көс түкте. Улар ҡороған ағас, ботаҡтарҙы киҫеп, тирә - яҡты баҫып үҫкән, кипкән үләнде лә таҙартты. Улар тарафынан күпләп сүп - сар, көнкүреш ҡалдыҡтары ла йыйылды.

"Күмәкләгән - яу ҡайтарған" ти халыҡ. Бергә башлаған эштәрҙе еңел генә тамамларға яҙһын.