Иглиндә ремонттан һуң күпер асылды

Ошо көндәрҙә Исемһеҙ (Безымянный) йылғаһы аша һалынған күпер ремонттан һуң сафҡа индерелде. Юлсылар ҡоролманы ваҡытынан алда тапшырҙы.

Ремонт мәлендә водителдәргә ваҡытлыса күпер аша йөрөргә тура килде. Шуға күрә халыҡ был обьекттың аслыуын ҙур түҙемһеҙлек менән көттө.

Хәҙер водителдәр яңы күперҙән йөрөйәсәк. Ул заманса ҡоролмалар менән ремонтланған, киңәйтелгән. Юлсылар әйтеүенсә, Өфө-Иглин йүнәлешендә хәрәкәт көслө, шуға тығындар булмауы мөһим.