Ключ Бәҙәйҙең матур өйҙәре

Нуриман районы Ключ Бәҙәй ауылында йәшәүселәр үҙ өйҙәрен матурлау, күркәмерәк итеү сараларын уйлап тапҡан.

Ихата хужалары пластик һауыт ҡапҡастары ҡулланып, мозаика рәүешендә төрлө йәнлек, сәскә һүрәттәрен эшләү серҙәрен асҡан. Был эште Галина Мусина башлап ебәрә. Ә бына Алексей Бикмурзиндың ихатаһын пластик шешәләрҙән эшләнгән пальма биҙәй. Ағасты эшләү өсөн арматура киҫәктәре генә кәрәк була, ҡалған материал аяҡ аҫтында тулып ята.

Шулай итеп, биҙәү – ғәмәли сәнғәтен (декоративно – прикладное искусство) оҫта файҙаланып, Ключ Бәҙәйҙең матур өйҙәре район күләмендә үткәрелгән “Иң яҡшы ихата” бәйгеһендә еңеп сыҡты.