Ҡар япмаһы ятыуы көтөлә

Башҡортостан буйынса Ғәҙәттән тыш хәлдәр министрлығы республикала көндәрҙең һалҡынайыуы һәм ҡар япмаһы ятыуы тураһында иҫкәртә. Был турала «Башинформ» мәғлүмәт агентлығы хәбәр итә.

Бөгөндән алып 1 ноябргә тиклем һауа температураһының төндә -3, +2 градустан -5, -10, аяҙытҡанда -15-кә тиклем, көндөҙ 0, +5-тән 0,-5-кә тиклем яйлап түбәнәйеүе көтөлә.

Иртәгә,30 октябрҙә, республиканың көньяғында, 31 октябрҙә Башҡортостан биләмәһендә ямғыр, ҡар, урыны менән боҙлауыҡ фаразлана. Ҡар япмаһы ятыуы көтөлә.