Шатлыҡ таратып йәшә

Ошо көндәрҙә Благовещен районының Түбәнге Иҙәк ауылында йәшәгән Тамара Ирмонова 80 йәшлек ғүмер байрамын билдәләне.

Тормош юлы гел фиҙакәр хеҙмәттә уҙған,эшһөйәр,хәстәрлекле ҡатынды ире Яштубай, балалары,ейән - ейәнсәрҙәре,туғандары тыуған көнө менән ихлас ҡотлап,юбиляр хөрмәтенә мул һый - ниғмәтле табын йыйҙы.Ауылдың хөрмәтле,тормош,йәшәү мәғәнәһен тәрән аңлаған, кешеләргә тик изгелек ҡылған Тамара Мадияровнаны ауыл хакимиәте, мәҙәниәт хеҙмәткәрҙәре,халыҡ та үҙ иғтибарынан ситтә ҡалдырманы: изге теләктәр ҙә теләне,бүләген дә бирҙе.Ҡунаҡтар юбилярға алда ла оҙон, бәхетле ғүмер,яҡындарын ҡыуандырып,шатлыҡ таратып йәшәүен теләне.