100 йыллыҡҡа - 100 хәрәкәт

Республиканың 100 йыллыҡ юбилейы уңайынан ҡала мәҙәниәт һарайы майҙанында " 100 хәрәкәт " бейеү батлы үтте.

" Орленок " үҫмерҙәр клубы ҡала мәҙәниәт һарайы менән берлектә ойошторған был сарала мәктәптәрҙән әүҙемдәр һәм ирекмәндәр етәкселегендә уҡыу йорттары студенттары бергәләп көс һынашты. Төрлө халыҡтар бейеүен бергәләп бейегән йәштәр бер - береһенән уҙҙырырға тырышты. " Йәш саҡ - дәртле саҡ ", тигәндәй,һәр бейеүҙең хәрәкәте улар тарафынан тиҙ генә отоп алынып, оҫта итеп башҡарылды.

Акцияға ҡушылғандар финалда 100 һанын һүрәтләп, теҙелеп баҫып 8 метрлы Башҡортостан Республикаһы флагын йәйелдерҙе.Афарин, йәштәр!