Сәхнәлә “Ҡолонсаҡ” театры

Павловка күп функциялы ауыл клубы хеҙмәткәре Ғәнийфә Шәғәйепова етәкләгән “Ҡолонсаҡ” балалар театры коллективы урындағы санаторийҙа дауаланыусылар өсөн “Урал батыр” башҡорт халыҡ әкиәтен сәхнәләштереп күрһәтте.

Йәш актерҙар үҙҙәренең геройҙарына хас сифаттарҙы оҫта асып бирә алды.

Арсений Дәүләтшин Урал батырҙы, Руфина Хафизова Ҡарағашты, Данил Ипаев дейеүҙе, Яна Кувайцева атай ролен бөтә тырышлыҡтарын биреп башҡарҙы. Аделина Ғарифуллина, Олег Ялалов, Илшат Ғәниев, Денис Ипаев, Софья Меньшиковаларҙың да уйнауы дауаланыусыларға оҡшаны.

Түңәрәк етәкселәре Светлана Гут һәм Эльвира Садыҡова сараны музыкаль яҡтан биҙәне, театр костюмдары текте.