Тыуған ауылымды мин нисек күҙ алдына килтерәм

Павловка ауыл биләмәһендә “Урындағы башланғыстарҙы дәртләндереү-2020” программаһы өҫтөндә эш башланды.

15 октябрҙән 30 ноябргә тиклем ауыл администрацияһы вәкилдәре халыҡ менән осрашып, Павловка ауылын төҙөкләндереү буйынса уртаҡ фекергә килергә тейеш.

Ошо уңайҙан сығып, мәктәп уҡыусылары һәм балалар баҡсалары тәрбиәләнеүселәре өсөн “Тыуған ауылымды мин нисек күҙ алдына килтерәм?” рәсемдәр конкурсы иғлан ителде.

Үҫеп килеүсе быуындың фекере лә эштәрҙе планлаштырыуҙа үҙ урынын алырға тейеш.