Бергә эшләү берләштерә

Благовещен районының Иҙәк ауылының дөйөм белем биреү мәктәбенең башланғыс класс уҡыусылары "Көҙ буяуҙары" тигән һүрәт конкурсында ҡатнашты.

Балаларҙы бергә туплаған, бәләкәйҙән улар күңелендә берҙәм, дуҫ, ярҙамсыл булыу кеүек сифаттар тәрбиәләгән конкурста һәр класс ҙур форматтағы ҡағыҙға үҙҙәренә яҡын булған темаға һүрәт яһаны. Шуныһы ҡыуаныслы, сағыу төҫтәр ҡулланып эшләнгән һүрәттәрҙә балалар йәмле тәбиғәтте лә, йылы ҡояшты ла, зәңгәр күкте лә, матур йорт - ҡураларҙы ла ихлас сағылдырған.