Һеҙ нимәнән нығыраҡ ҡурҡаһығыҙ?

Мин, мәҫәлән, кеше үлтереүселәр, йәберләүселәр, бурҙар күбәйеүенән.

Ә бына бөтә Рәсәй йәмәғәт фекерен өйрәнеү үҙәге (ВЦИОМ) һорашыуҙар үткәргән дә шундай һығымтаға килгән: халыҡты иң борсоғаны социаль ғәҙелһеҙлек (яуаптарҙың 68 %) һәм килемдең түбәнәйеүе (63 %) икән.

Тағы ла 58 % бушлай медицинаның бөтөп барыуы һәм аҙыҡ-түлеккә хаҡ артыуы ҡурҡыта.

Бөтә алынған яуаптың 39 проценты кешеләрҙең ил эсендәге тәртипһеҙлектән, власҡа ҡаршы протестан ҡурҡыуы хаҡында.

Енәйәттең күбәйеүе, эште юғалтыуға улай уҡ борсолмайҙар кеүек (респонденттарҙың 36, 35 %, хәүефләндерә, тип яуаплаған).

Рәсәй халҡы халыҡ-ара конфликт сығыуҙан ҡурҡмай тиерлек. Һорашыуҙа ҡатнашыусыларҙың ни бары 20 % ғына, ҡурҡыта, тигән.