Өфөләге Башҡортостан Республикаһының спортҡа әҙерлек үҙәгендә мөмкинселектәре яғынан сикле кешеләр өсөн фестиваль уҙҙы.
Бөтә донъя инвалидтары көнөнә арналған был әһәмиәтле сарала Бөтә Рәсәй инвалидтар йәмғиәтенең Благовещен бүлексәһенән 5 кешенән торған команда ҡатнашты.Ҡаланың үҫмер балалар спорт мәктәбендә Анатолий Килюшев етәкселегендә спорттың көс талап иткән төрө - пауэрлифтинг, штанганы ике ҡул менән күтәреп, даими шөғөлләнгән инвалид спортсылар фестивалдә яҡшы һөҙөмтәләргә иреште. Был ярышта 1- се урын алһа, ә өҫтәл теннисында 3 - сө урын яуланы.8 спорт төрҙәрен ентекле үтәгән Благовещен командаһы дөйөм һөҙөмтәләрҙән һуң республика кимәлендә 3 - сө урынға сыҡты.
"Тырыштарға уңыш йылмая" тигәндәй, мөмкинлектәре сикләнгән спортсыларҙы берҙәмлек, таҫыллыҡ, ныҡышмаллылыҡ берләштерә.