Иглин ғаиләһе – шахмат буйынса республикала икенсе

Өфөлә “Торатау” конгресс-холында шахмат буйынса «Буласаҡ чемпиондар лигаһы» үтте. Турнирҙа бөтәһе 94 команда ҡатнашты, дөйөм ҡатнашыусылар һаны - 376.

Иглин районы данын район үҙәгендәге Данис Тикеев исемендәге 4-се һанлы мәктәп уҡыусылары – бер туған Йосоповтар яҡланы. Эмиль, Камил, Адель, Жизель составындағы команда тиҙ шахмат беренселегендә 2-се урын яуланы. Балаларҙы шахмат серҙәренә аталары өйрәтә. Әлеге ваҡытта ҡыҙҙар һәм малайҙар 4-се мәктәптең шахмат буйынса тренеры Рәйлә Хөсәйеновала шөғөлләнәләр.