Сағыу сара

Нуриман Балалар сәнғәт мәктәбендә Әсәйҙәр һәм Халыҡ - ара инвалидтар көндәренә арналған сара үтте.​Бейеүселәр, ҡалаҡ менән уйнаусылар, баянсылар, шиғыр һөйләүселәр саҡырылған ҡунаҡтарҙы үҙҙәренең сағыу сығыштары менән ҡыуандырҙы. Саруа һәм Яңы Күл ауылдарынан килгән үҙенсәлекле балаларҙың концерт номерҙары ла күңелдәрҙә яҡшы хәтирәләр ҡалдырҙы.​Сара һуңында кескәйҙәр әсәләренә үҙҙәре эшләгән открыткаларын бүләк итте, ә мәктәп етәкселеге балаларҙы төрлө тәмлекәстәр менән һыйланы.