"Ҡаҙ өмәһе" - муллыҡ байрамы

Үҙе милли кейемдәр теккән, ҡамырҙан ҡурсаҡ яһаған, ауылында тарихи музей эшен йәнләндергән Тәнзилә Зиннәт ҡыҙы милли байрамдар ойоштороуға ла әүәҫ.

Әле яңыраҡ Ғафури районының Еҙем Ҡаран ауылында йәшәгән туғандарына барып, Дамир һәм Динера Биктимировтар уҙғарған "Ҡаҙ өмәһе" ндә ҡатнашҡан. Киләһе йылға тырыш апайыбыҙ үҙе лә ҡаҙ үҫтереп, тыуған Ғафури ерендә күреп ҡайтҡандарының барыһын да үҙе үткәрәсәк байрамда ҡулланырға ниәтләй.

Эшкә уңған, алдына ҡуйған маҡсатына ирешеүсән был сая ҡатындың теләктәре тормошҡа ашһын тип юрайыҡ.