Ирекмәндәр акцияға ҡушылды

​“Рәсәйҙә 146 миллиондан күберәк кеше йәшәй. Шуларҙың 900 меңе ВИЧ инфекцияһын йоҡторған! Һәр сәғәт һайын Рәсәйҙә 10 кеше ошо ҡурҡыныс ауырыуға юлыға. Спидты бергәләп туҡтатайыҡ!”

​Был һүҙҙәр “Стоп ВИЧ/СПИД” профилактик акцияһының рәсми сайтында яҙылған.

​Ҡыҙылъяр ауыл биләмәһе ирекмәндәре лә ошо акцияға ҡушылды. Сараның маҡсаты – заман сиренең таралыу юлдары, уны иҫкәртеү ысулдары тураһында халыҡҡа мәғлүмәт биреү. Маҡсатҡа ярашлы йәш ирекмәндәр халыҡ менән осрашты, кешеләргә акцияның иҫкәртмәләрен таратты.

​Күмәкләгән – яу ҡайтарған, ти халыҡ. Берҙәм булһаҡ, аңлатыу, тәрбиә эштәре алып барһаҡ, туҡтатырбыҙ был афәтте!