Ҡунаҡ ҡаршылау – боронғо йола

​“ VI Бөтә донъя фольклориадаһы - 2020” сараһын әҙерләү һәм үткәреү комитетының кәңәшмәһендә Нуриман районының ауыл биләмәләре башлыҡтары, төрлө дәүләт учреждениеларының етәкселәре ҡатнашты.

Киләһе йылдың июль айында нуримандар ер шарының төрлө төбәктәренән килгән ҡунаҡтарҙы ҡаршылаясаҡ. Халҡыбыҙҙың йолалары, ғөрөф - ғәҙәттәре, йырҙары, бейеүҙәре, уйындары, милли аштары һәм кейемдәре менән ҡыҙыҡһынған фольклор белгестәре алдында районыбыҙ халҡы һынатмаҫ, байрамды юғары кимәлдә үткәрер, тигән өмөттә ҡалабыҙ.