Шиғриәт байрамы

Ғөмүмән, шиғриәт - күңел торошо ул.

​Зиннур Нәсибуллин исемендәге “Әҙәбиәт - халыҡтар дуҫлығы нигеҙе” исемле шиғриәт бәйгеһе быйыл етенсе тапҡыр үткәрелде. Унда Яңы Күл, Иҫке Күл, Ҡыҙыл Шишмә, Павловка, Яңы Субай урта дөйөм белем биреү мәктәптәренән илленән ашыу уҡыусы ҡатнашты.

​Сәхнәнән Зиннур Нәсибуллин, Мостай Кәрим, Нуриман районынан сыҡҡан башҡа яҡташ шағирҙарҙың әҫәрҙәре, уҡыусыларҙың үҙҙәренең дә шиғри өлгөләре яңғыраны.

​Күренекле шағирә, драматург Хәлисә Мөҙәрисова, Байгилде ауыл лицейы директоры Салауат Исмәғилев, Яңы Субай урта мәктәбе уҡытыусыһы, шағирә Миләүшә Ғилманова составындағы баһалама комиссияһы еңеүҙе Иҫке Күл мәктәбе уҡыусыһы Гүзәлиә Мырҙағоловаға бирҙе.