Тыуған тел – мәңгелек хазина

Данлыҡлы мәғрифәтсе, шағир Аҡмулланың тыуған көнө хәҙер Башҡорт теле көнө итеп билдәләнә. Ошо уңай менән Нуриман районы үҙәк китапхана хеҙмәткәрҙәре тарафынан “Тыуған ил – мәңгелек хазина” исемле әҙәби сара ойошторолдо.

​Сара барышында мәктәп уҡыусылары башҡорт милли әҙәбиәтенең гүзәл өлгөләрен ижад иткән Аҡмулланың, Рәми Ғариповтың, Зәйнәб Биишеваның тормош юлы, ижады менән таныштылар, шиғырҙарын уҡынылар, әҫәрҙәрҙән өҙөктәр тыңланылар.

​“ Юғары күтәргән дә тел, түбән төшөргән дә тел; тел арҡылы бәхеткә ирешергә лә, башыңды юғалтырға ла мөмкин,” – тигән билдәле аҡыл эйәһе Йософ Баласағунлы. Уның “Аҡыл күрке – тел, тел күрке – һүҙ. Кеше күрке - йөҙ”,- тигән һүҙҙәре лә киң билдәле. Ғилем эйәһе һүҙҙәренә ҡушылып, шуны өҫтәйһе килә:”Илемә, халҡыма телебеҙ арҡылы бәхеткә ирешергә яҙһын!”