Туған тел көнөндә уҙған фәһемле осрашыу

Уҙған шәмбеләге Берҙәм башҡорт теле көнө барса район һәм ҡалаларҙағы башҡорт ҡоролтайы рәйестәрен "Торатау" конгресс - холына йыйҙы.

Эшлекле осрашыуҙа ҡатнашҡан Башҡортостан Республикаһы Башлығы Радий Хәбиров урындағы эштәр барышы, килеп тыуған проблемалар, яңы башланғыстар менән ныҡлап ҡыҙыҡһынды. 2020 йылды республикала Башҡорт теле йылы тип иғлан итергә кәрәклеге тураһындағы тәҡдимде лә Радий Фәрит улы ихлас күңелдән хупланы.

Ике яҡ өсөн дә бик кәрәкле булған осрашыу фәһемле, ваҡытлы үтте.