Егор Мәскәүгә осто

Благовещен ҡалаһындағы 6-сы урта дөйөм белем биреү мәктәбе уҡыусыһы Егор Мөсәғитовҡа Мәскәү ҡалаһында уҙасаҡ Бөтә Рәсәй Кремль шыршыһында ҡатнашыу бәхете тейҙе.

Бындай мәртәбәле сарала райондан берҙән - бер ҡатнашыусы булған малай быны үҙенең тырыш, һәләтле,уңған булыуы менән яулап алды. Математиканан алып хеҙмәт дәрестәренә тиклем булған уңыштары уға яҡшы уҡырға ярҙам итә. Уҡытыусылар ғаиләһендә тыуған Егор ата - әсәһенең йөҙөнә ҡыҙыллыҡ килтермәй.Һәр сарала, айырыуса йәмәғәт эштәрендә әүҙем.

Егорҙың илебеҙҙең баш ҡалаһы - Мәскәүгә барыуы тағы ла күңелен үҫтерер, алға маҡсаттар ҡуйырға ярҙам итер.