Күмәк спорт берләштерҙе

Благовещендың 18 учреждениеһында эшләгән 200 мәғариф хеҙмәткәрҙәре һәр йылдағыса М. Киняшов исемендәге 6 - сы мәктәпкә спартакиадаға йыйылды.

Райондың мәғариф идаралығы, мәғариф хеҙмәткәрҙәренең профсоюз комитеты тарафынан ойошторолған был спартакиадала иң шәптәр, иң етеҙҙәр, ярышҡа тулы әҙерлек менән килгән Бедеево Поляна, Туғай мәктәптәре, Балалар техник ижады үҙәге педагогтары беренселәр рәтен тулыландырҙы.

Уҡыусылары араһында сәләмәт тормош алып барыуҙы пропагандалау өсөн күп көс түккән уҡытыусылар үҙҙәре лә спортҡа ғашиҡ булыуы, әүҙем тормош алып барыуы менән маҡтаулы.